Më shumë se 3 miliardë njerëz do të jetojnë në temperatura ekstreme në vitin 2070
Më shumë se tre miliardë njerëz do të jetojnë në vende me temperatura “jo të jetueshme” deri në vitin 2070, sipas një studimi të ri.
Nëse nuk lëshohen emetimet e gazit serë, një numër i madh i njerëzve do të përjetojnë temperatura mesatare më të nxehta se 29C.
Kjo konsiderohet si jashtë klimës së “ngrohtë” në të cilën njerëzit kanë lulëzuar për 6000 vitet e fundit.
Bashkautor i studimit Tim Lenton i tha BBC-së: “Studimi shpreson që ndryshimet klimatike të jenë në terma më njerëzorë”.
Studiuesit përdorën të dhëna nga parashikimet e popullsisë së Kombeve të Bashkuara dhe një skenar ngrohjeje 3C bazuar në rritjen globale të pritshme të temperaturës. Një raport i KB zbuloi se edhe me vendet që janë nën Marrëveshjen e Klimës në Paris, bota ishte në rrugën e duhur për një ngritje 3C.
Sipas studimit, popullsia njerëzore është përqendruar në grupe të ngushta klimatike me shumicën e njerëzve që banojnë në vendet ku temperatura mesatare është rreth 11-15C. Një numër më i vogël njerëzish jetojnë në zona me një temperaturë mesatare 20-25C.
