Nga historia e kupolave, libri për Skënderbeun dhe zyrën ovale - sekretet e Bibliotekës Kombëtare
Biblioteka Kombëtare e Kosovës konsiderohet si një nga objektet më unike jo vetëm në vend – magjike për çdo vizitor dhe simbol i identitetit tonë kulturor.
Gjithçka nisi më 12 gusht 1974, kur u hodhën themelet e një ëndrre.
Tetë vjet punë e pandërprerë, 42 kompani të angazhuara, qindra duar që punuan ditë e natë — për ta ngritur këtë objekt monumental.
Ashtu si çdo krijim i madh arkitektonik, edhe kjo ndërtesë ka kaluar mes lavdërimeve dhe kritikave.
Por një gjë ka qenë thelbësore: arkitekti i njohur Bashkim Fehmiu kishte vetëm një kërkesë për arkitektin Andrija Mutnjakoviq: “Të mos kursehet në materialin që do të përdoret”.
Kështu ka treguar Blerina Rogova Gaxha, drejtuese e Bibliotekës.
Të gjitha materialet, përveç kupolave, janë nga trojet e Kosovës, ndërsa punimet u kryen nga kompanitë e njohura “Ramiz Sadiku” dhe “Tefik Çanga”.
Sot, Biblioteka ruan afro 2 milionë libra — dy milionë histori, dy milionë jetë dhe miliona frymë që kanë lexuar e lënë gjurmë.
Mes tyre, ndodhet edhe një libër për Skënderbeun, i cili daton nga vitet 1500 dhe ruhet me shumë kujdes brenda trezorit të këtij objekti.
Arkitekti kroat Andrija Mutnjakoviq u frymëzua nga trashëgimia shqiptare e mesjetës, nga ornamentet, gjeometria, guri dhe struktura tradicionale.
Ky frymëzim e shndërroi Bibliotekën në një simbol të veçantë të identitetit arkitektonik shqiptar.
A janë kupolat plisa shqiptarë?
A e dini se jo vetëm presidenti i SHBA-së ka një zyrë ovale?
