Baleti Kombëtar i Kosovës magjepsi publikun me premierën “Bolero dhe Bach La Oriental”
Kultura
October 25, 2025 - 17:05
Mbrëmë, në sallën e mbushur të AMC-së, Baleti Kombëtar i Kosovës solli premierën madhështore të shfaqjes “Bolero & Bach La Oriental”, me koreografi nga mjeshtri i njohur Mehmet Balkan.
Kjo vepër, e cila shënon premierën e katërt për vitin 2025, u prit me duartrokitje të gjata dhe entuziazëm të jashtëzakonshëm nga publiku, që u mahnit nga interpretimi i balerinëve dhe fuqia emocionale e performancës.
Në këtë krijim artistik, muzika e famshme e Maurice Ravel dhe Johann Sebastian Bach ndërthuren mjeshtërisht me elemente orientale, duke sjellë një ekuilibër mes klasikës dhe modernitetit, të përkthyer përmes lëvizjes elegante dhe ekspresive të trupit të baletit.
