Më 8 tetor, “Sytë e Ujkut” vjen premierë në Qendrën Barabar

Më 8 tetor do të jepet premiera e shfaqjes “Sytë e ujkut”, me tekst nga Doruntina Basha dhe regji të Kushtrim Koliqit.

Shfaqja “Sytë e Ujkut” sjell në skenë një histori të fuqishme që përballet me një nga çështjet më të heshtura të shoqërisë sonë – stigmatizimin e të mbijetuarve të dhunës seksuale dhe fëmijëve të lindur nga këto krime. Me Irena Aliu, Edona Reshitaj, Armend Smajli, dhe Albina Krasniqi, loja sfidon tabutë ndërsa hap hapësirë për dialog, ndjeshmëri dhe ndryshim.E vendosur në një kabinë të largët malore, loja ndjek tre breza grash, jeta e të cilave është formësuar nga trauma e pashprehur e kohës së luftës. Nëpërmjet kundërshtimit të Dilës së re dhe luftës së nënës së saj me kujtimet e dhimbshme, historia zbulon tensionin midis frikës dhe lirisë, heshtjes dhe të vërtetës.

Kjo pjesë teatrale realizohet në kuadër të projektit “Krijimi i një Platforme të Qëndrueshme për të adresuar padrejtësitë e së kaluarës dhe nxitjen e pajtimit”, zbatuar nga Integra dhe u bë i mundur me ndihmën e projektit rajonal Mbështetja e BE-së për ndërtimin e besimit në Ballkanin Perëndimor, i cili financohet nga Bashkimi Evropian (BE) dhe zbatuar nga Programi i Kombeve të Bashkuara për Zhvillim (UNDP). Projekti mbështetet edhe nga Community Development Fund (CDF), Embassy of Sweden in Prishtina, Rockefeller Brothers Fund dhe Pro Peace – Kosovo.

Premiera e kësaj shfaqje do të jetë me ftesa, kurse për reprizat e para që do të jenë më 9, 10 dhe 11 tetor do të jenë të hapura për publikun, por që duhet të rezervohen ulëset. 

Shfaqja do të prezantohet prej orës 20:00 në Barabar Centre./ KultPlus