Edicioni V i Panairit të Librit të Vjetër - më 11, 12 dhe 13 dhjetor në Prishtinë
Më 11, 12 dhe 13 dhjetor, (e mërkurë, e enjte, e premte), në objektin e bibliotekës “Hivzi Sulejmani” në lagjen “Dardania” në Prishtinë do të organizohet edicioni V i Panairit të Librit të Vjetër, të Rrallë dhe të Përdorur, nga ora 10:00-17:00.
Ceremonia e hapjes së panairit do të bëhet më 11 dhjetor (e mërkurë) në orën 11:00.
Programi i panairit: Dita e parë: Më 11 dhjetor (e mërkurë), nga ora 12:00, në objektin e bibliotekës “Hivzi Sulejmani” në Prishtinë përurohet vepra “Vetëm me vetminë” e poetit Bedri Zyberaj.
Po më 11 dhjetor (e mërkurë), nga ora 14:00, në objektin e bibliotekës “Hivzi Sulejmani” në Prishtinë organizohet bashkëbisedim me profesorin, studiuesin dhe prozatorin Bajram Kosumi.
Dita e dytë: Më 12 dhjetor (e enjte), nga ora 11:00, në objektin e bibliotekës “Hivzi Sulejmani” në Prishtinë organizohet bashkëbisedim me profesorin, studiuesin dhe poetin Agim Vinca.
Dita e tretë: Më 13 dhjetor (e premte), nga ora 12:00, në objektin e bibliotekës “Hivzi Sulejmani” në Prishtinë organizohet bashkëbisedim me profesorin dhe regjisorin Fadil Hysaj dhe përurohen dy përmbledhje të tij me drama.
Më 13 dhjetor (e premte), nga ora 14:00, në objektin e bibliotekës “Hivzi Sulejmani” në Prishtinë organizohet bashkëbisedim me publicistin dhe artistin Agron Shala dhe përurohet libri i tij “Shekulli XX”.
Dita e tretë: Më 13 dhjetor (e premte), nga ora 17:00, në objektin e bibliotekës “Hivzi Sulejmani” në Prishtinë organizohet ora letrare “Të bijtë e shekullit të ri”.
