![Vdekja e Vera Zhejit, Begaj:”Zonja e madhe” e mikrofonit të Radio Tiranës](/uploads/zeri.info/images/2024/August/18/auto_auto_455892491_2667441630130248_8019205271847855491_n17239199961723972940.jpg)
Vdekja e Vera Zhejit, Begaj:”Zonja e madhe” e mikrofonit të Radio Tiranës
Presidenti Bajram Begaj ka shprehur ngushëllimet për ndarjen nga jeta një ditë më parë (17 gusht) të zërit ikonik të Radio Tiranës, Vera Zheji.
![Image](https://zeri.info/uploads/zeri.info/images/2024/August/18/auto_673634-p8zZvQ2B0n1723972941.jpg)
Begaj e cilëson atë si “zonjën e madhe” të mikrofonit dhe skenës shqiptare, ndërsa shton se figura e saj nuk mund të zëvendësohet.
“U nda nga jeta Vera Zheji, zëri ikonik i Radio Tiranës. Një grua që pothuajse është e vështirë që të ketë të ngjashme në cilësinë e gazetares, spikeres dhe gruas me mendje të lirë. Spikere, gazetare, aktore dhe pedagoge e Fjalës Artistike në Institutin e Lartë të Arteve, Vera Zheji do të kujtohet me nderim si “zonja e madhe” e mikrofonit dhe skenës”, shkruan Begaj.
![Image](https://zeri.info/uploads/zeri.info/images/2024/August/18/auto_154713c31249476c863c3102aa1991c31723972943.jpeg)
Zëri simbol i Radio Tiranës Vera Zheji u nda nga jeta në moshën 91-vjeçare.
Në moshën 15-vjeçare, në shkurt të vitit 1948 ajo nisi në mikrofonin e Radio Tiranës të bënte leximin e emisioneve letrare.
![Image](https://zeri.info/uploads/zeri.info/images/2024/August/18/auto_shi-ne-plazh-696x5211723972950.jpg)
Vera Zheji, shumë shpejt u bë një nga zërat më popullor dhe më të njohur në të gjithë Shqipërinë.
![Image](https://zeri.info/uploads/zeri.info/images/2024/August/18/auto_vlcsnap-2020-03-30-01h53m08s8411723972947.jpg)