Fryma e fundjavës në Maglaj: Aty ku kulturat bashkojnë
Ambasadorët kulturorë nga Shqipëria, Bosnja dhe Hercegovina, Maqedonia e Veriut dhe Serbia, së bashku me kryetarin e komunës, përfaqësues nga Komisioni Evropian dhe Ambasadorët e Rinj Evropianë, u mblodhën në Maglaj për të hapur festivalin e filmit Maglaj Spirit Weekend (Fryma e fundjavës në Maglaj: Aty ku kulturat bashkojnë), duke demonstruar sesi kultura i lidh njerëzit dhe artistët në Ballkanin Perëndimor.
Me këtë rast, u përmbyll po ashtu fushata "Culture Connect", e cila theksoi mbështetjen e kahershme të BE-së për kulturën dhe artin në rajon.
Festivali, i organizuar nga UM “Dictum Factum” dhe i udhëhequr nga Adi Softië, Ambasador i Ri Evropian (YEA), është bërë një simbol i kremtimit të kulturës në rajon.
Këtë vit, nga data 26 deri më 28 korrik 2024, festivali synon jo vetëm të argëtojë, por edhe të provokojë mendime dhe të frymëzojë përmes një përzgjedhjeje filmash dhe diskutimesh të kuruara me kujdes.
Të pranishmit në festival patën mundësinë të shijojnë një shfaqje të filmit të
mirënjohur "Kapela e Profesorit Kosta Vujic", me regji të Zdravko Sotra, filmit
"Ekskursion" nga Una Gunjak në BiH, së bashku me filmin e shkurtër "Të gjithë me
vullnet", nga Nerminka Emric.
Festivali i këtij viti pati rëndësi të veçantë pasi priti ngjarjen përmbyllëse të fushatës Culture Connects, një kremtim i mbështetjes së palëkundur të Bashkimit Evropian për artin dhe kulturën në Ballkanin Perëndimor.
Fushata Culture Connects, e zhvilluar nga Programi Rajonal i Komunikimit Strategjik për Ballkanin Perëndimor, WeBalkans, i financuar nga BE, shfaq peizazhin dinamik kulturor të rajonit dhe feston diversitetin dhe pasurinë e trashëgimisë së tij kulturore. Gjatë dekadës së fundit, programet e BE-së, përfshirë Creative Europe, kanë mbështetur me sukses mijëra projekte kulturore në rajon. Fushata Culture Connects ndanë me publikun ndikimin që kanë pasur këto.
Pjesëmarrës në këtë event ishin Goce Nanevski, artist nga Maqedonia e Veriut, i njohur për punën e tij në skulpturë, instalacion, multimedia, video, fotografi dhe zë; Ivan Petrovic, një nga figurat kryesore në menaxhimin dhe organizimin e Festivalit EXIT në Serbi dhe kryetar i Bordit Drejtues në Fondacionin EXIT; Faruk Sehic, një poet, romancier dhe shkrimtar i shquar nga Bosnja dhe Hercegovina, librat e të cilit janë përkthyer në shumë gjuhë; dhe Nihad Kreševljakovië, autor, skenarist i cili ka qenë një nga iniciatorët e Modulit të Kujtesës, MESS.
Një seri artikujsh u zhvilluan gjithashtu gjatë fushatës për të ofruar më shumë informacion në lidhje me mbështetjen e BE-së për projektet kulturore. Ndër projektet e theksuara është historia e Mirditës në Shqipëri, ku programi i granteve EU4Culture ka ndihmuar në transformimin e rajonit nëpërmjet zhvillimit të qëndrueshëm të turizmit dhe rrugëve të trashëgimisë kulturore.
Poashtu, Ambasadorët e Rinj Evropianë kanë zhvilluar një seri videosh që dëshmojnë lidhjet e forta midis Ballkanit Perëndimor dhe pjesëve të ndryshme të Evropës.
WeBalkans është një projekt i financuar nga BE që promovon integrimin e Ballkanit Perëndimor në BE përmes iniciativave të ndryshme kulturore, sociale dhe ekonomike. Fushata "Cultural Connects" që arriti miliona njerëz në Ballkanin Perëndimor është pjesë e kësaj përpjekjeje më të gjerë, duke treguar se si financimi i BE-së mbështet projektet kulturore që nxisin unitetin në diversitet, bashkëpunim dhe mirëkuptim.
