![Kurti e Çeku mirëpritën antropologen që po e organizon “Kosova Ethno-Tour”](/uploads/zeri.info/images/2024/July/23/auto_ZKP_ZKM_23_7_2024_91721757046.jpg)
Kurti e Çeku mirëpritën antropologen që po e organizon “Kosova Ethno-Tour”
Kryeministri i Kosovës, Albin Kurti, së bashku me ministrin e Kulturës, Rinisë dhe Sportit, Hajrulla Çeku, mirëpriti në ndërtesën e qeverisë antropologen amerikane Janet Reineck dhe grupin me të cilin ajo po zhvillon një tur rreth Kosovës përmes iniciativës "Kosova Ethno-Tour".
![Image](https://zeri.info/uploads/zeri.info/images/2024/July/23/auto_ZKP_ZKM_23_7_2024_41721757051.jpg)
Grupi do të qëndrojë për dy javë në vend, deri më datën 5 gusht. Gjatë kësaj periudhe do të vizitojnë peisazhe e pasuritë tona natyrore, përjetojnë kulturat tona ushqimore si dhe disa prej festivaleve që organizohen në lokacione të ndryshme gjatë kësaj periudhe.
“Kryeministri e falënderoi antropologen për kontributin që ajo po jep për shpërndarjen e njohurive në njohjen e vlerave kulturore e natyrore të vendit tonë dhe ardhjen e turistëve përmes programit të saj”, thuhet në njoftim.
![Image](https://zeri.info/uploads/zeri.info/images/2024/July/23/auto_ZKP_ZKM_23_7_2024_101721757048.jpg)
Ai i uroi grupit qëndrim të mbarë e të këndshëm në Kosovë, duke shprehur dëshirën që ta njohin sa më shumë vendin tonë. /Zëri
![Image](https://zeri.info/uploads/zeri.info/images/2024/July/23/auto_ZKP_ZKM_23_7_2024_2_11721757055.jpg)