Infektuar: 107497
Shëruar: 104054
Vdekur: 2245
Firmoset marrëveshja për bibliotekën “Ibrahim Rugova”, e bazuar në projekt amerikan
Foto: Laura Hasani

Firmoset marrëveshja për bibliotekën “Ibrahim Rugova”, e bazuar në projekt amerikan

Kultura June 07, 2021 - 12:18

Është nënshkruar sot marrëveshja e bashkëpunimit mes bibliotekës presidenciale “Ibrahim Rugova”, si dhe Ministrisë së Kulturës, Rinisë dhe Sportit.

Presidentja Vjosa Osmani deklaroi se projekti do të realizohet nga ekspertë amerikanë, por që ende nuk është përcaktuar lokacioni i saktë, përcjell klankosova.tv.

Ajo madje theksoi se Biblioteka Kombëtare do ta ofrojë bibliografinë e Rugovës, po ashtu edhe familja arkivin privat t’ia japë bibliotekës.

”Dua ta falënderoj ministrin Hajrulla Çeku për gatishmërinë”.

“Biblioteka do ta mbajë emrin ‘Ibrahim Rugova’ dhe përpjekjet e gjata të popullit të Kosovës.

Kjo bazohet në modelin amerikan dhe Amerika do të dërgojë ekspertët amerikanë për ta përfunduar këtë bibliotekën dhe do të punojmë së bashku për zhvillimin e fondeve për bibliotekën.

Biblioteka Kombëtare do ta ofrojë bibliografinë e Ibrahim Rugovës dhe lajmi i rëndësishme është që familja Rugova arkivin privat t’ia japë bibliotekës që do të ndërtohet. Për brezat që vijnë pas nesh të lëmë diçka të mirë.

Në fillim biblioteka do të jetë e vendosur në këtë ndërtesë për të vazhduar me Ministrinë e Kulturës për të gjetur lokacion më të përshtatshëm, prandaj edhe ekspertja do të jetë në dispozicion të institucioneve tona.

Për momentin është e rëndësishme mbledhja e fondeve. Në momentin që kemi fonde do ta gjejmë edhe lokacionin e përshtatshme dhe brezat e ardhshëm do të kenë mundësi të mësojmë për presidentin Ibrahim Rugova. Nuk është zyrë partizanësh. Kurrë më herët s’ka pasur bibliotekën presidenciale. Nuk është e vërtetë që po ulet besueshmëria në Zyrën e Presidencës. Zyra e presidencës e ka besueshmërinë dhe po rritet besueshmëria”.

Ndërsa ministri Çeku tha se theksoi se realizimin e këtij projekti do ta marrin me seriozitet.

“Është kënaqësi për mua që jam këtu për të nënshkruar një memorandum, për t’ia shtuar Kosovës një institucion të dijes.

Duke pagëzuar me emrin ‘Ibrahim Rugova’, ne nderojmë kombin tonë. Do ta marrim këtë detyrë me seriozitet. Ne ndiejmë obligim në nismën e bibliotekës presidenciale ‘Ibrahim Rugova’”.