Arrestohen tre persona për armëmbajtje pa leje

Janë arrestuar tre persona për armëmbajtje pa leje.

Sipas raportit policor, të tri rastet kanë ndodhur dje (e martë) në Podujevë, Lipjan dhe Prishtinë.

Në Podujevë të dyshuarit i është gjetur mjet i mprehtë-thikë, ndërkaq pas intervistimit me vendim të prokurorit lirohet në procedurë të rregullt.

“Rr. ‘Zahir Pajaziti’, Podujevë / 31.03.2026 – 00:17. Është arrestuar i dyshuari mashkull kosovar, pasi gjatë kontrollit tek i njëjti është gjetur dhe konfiskuar një mjet i mprehtë-thikë. Pas intervistimit me vendim të prokurorit i dyshuari lirohet në procedurë të rregullt”, thuhet në raport.

Në Lipjan të dyshuarit i është gjetur dhe konfiskuar një armë zjarri pistoletë me një fishek.

“Pas intervistimit, me vendim të prokurorit, i dyshuari lirohet në procedurë të rregullt”, thuhet tutje në raport.

Ndërkaq në Prishtinë është arrestuar i dyshuari, pasi gjatë kontrollit janë gjetur dhe konfiskuar 15 fishekë të armës me gaz.

“Lidhur me rastin është kontrolluar edhe shtëpia e të dyshuarit, por nuk është gjetur asgjë”, thuhet tutje në raport. /Zëri