Ndezën fishekzjarrë pranë hotelit ku qëndronte ekipi turk, arrestohen dy persona

Dy persona janë arrestuar nën dyshimin për “Shkaktim të rrezikut të përgjithshëm”, pasi kanë ndezur fishekzjarrë pranë hotelit ku po qëndron ekipi turk.

Këtë e ka konfirmuar për “Zërin” zëdhënësi i Policisë së Kosovës për kryeqytetin, Enis Pllana, i cili bëri të ditur se të njëjtit janë dërguar në mbajtje për 48 orë.

“Dy persona janë arrestuar, nën dyshimin se kanë kryer veprën penale 'Shkaktim i rrezikut të përgjithshëm'. Të njëjtët janë dërguar në mbajtje për 48 orë”.

Ndryshe, sonte me fillim të orës 20:45 zhvillohet ndeshja historike Kosovë - Turqi në stadiumin “Fadil Vokrri” në Prishtinë. /Zëri