Aksident me shtatë të lënduar në Vranidoll të Prishtinës

Sot rreth orës 13:15 në fshatin Vranidoll të Prishtinës ka ndodhur një aksident trafiku, ku janë përfshirë dy vetura, si pasojë e të cilit kanë mbetur të lënduar shtatë persona.

Të lënduarit kanë kërkuar ndihmë mjekësore, ndërsa në vendin e ngjarjes kanë dalë njësitet e trafikut të Policisë së Kosovës, të cilat po merren me hetimin e rrethanave që çuan deri tek aksidenti.

Rastin e ka konfirmuar zëdhënësi i Policisë për rajonin e Prishtinës, Agron Borovci, i cili bëri të ditur se autoritetet po ndërmarrin të gjitha veprimet e nevojshme për ndriçimin e plotë të rastit. /Zëri