Gjendet i vdekur pranë shtëpisë së tij një person në Dragash

Një person është gjetur pa shenja jete pranë shtëpisë së tij.

Sipas njoftimit të Policisë, ngjarja ka ndodhur gjatë ditës së djeshme, në fshatin Krstaci i Epërm, në Dragash, raporton Zeri.info.

“Fsh. Krstaci i Epërm, Dragash, 26.02.2026 – NN. Është raportuar se viktima mashkull kosovar është gjetur pa shenja jete në rrugë pranë shtëpisë së tij. Në vendin e ngjarjes ka dalë njësiti i Emergjencës, që ka konstatuar vdekjen e tij. Me urdhër të prokurorit, trupi i pajetë është dërguar në IML për obduksion”, thuhet në njoftimin e PK-së. /Zëri