Gjendet i vdekur në shtëpinë e tij një person në Gjilan
Një person është gjetur pa shenja jete në shtëpinë e tij në qytetin e Gjilanit.
Siç bën të ditur Policia e Kosovës përmes raportit ditor, vdekjen e viktimës e ka konstatuar ekipi mjekësor, shkruan Zeri.info.
Policia po ashtu njofton se viktima ishte duke jetuar i vetëm.
Me urdhër të prokurorit, trupi i pajetë është dërguar për obduksion në Institutin e Mjekësisë Ligjore, përderisa bëhet e ditur se janë duke vazhduar hetimet për këtë rast.
Raporti i plotë i Policisë, pa ndërhyrje:
HETIM I VDEKJES
Gjilan 31.12.2025 – NN. Është raportuar se viktima mashkull kosovar, në shtëpinë e tij ishte gjetur pa shenja jete. Në vendin e ngjarjes kanë dalë njësitë policore dhe ekipi mjekësor i cili e ka konstatuar vdekjen e viktimës. Sipas dëshmitarit viktima ka qenë duke jetuar i vetëm. Me urdhër të prokurorit trupi i pajetë i viktimës është dërguar në IML për obduksion. /Zëri