Gjendet i vdekur një person në lagjen “Velania” në Prishtinë

Një person është gjetur pa shenja jete sot në lagjen “Velania” në Prishtinë.

Policia ka konfirmuar për “Zërin” se rastin ka ndodhur sot rreth orës 10:30, në rrugën “Ymer Prizreni”, ku një mashkull është gjetur pa shenja jete.

“Sot rreth orës 10:30 Policia ka pranuar informatën se në rrugën ‘Ymer Prizreni’ në Prishtinë gjendet një person pa shenja jete. Me të marrë informatën, policia ka dalë në vendin e ngjarjes, ku kanë hasur viktimën mashkull, i cili ishte pa shenja jete. Vdekjen e viktimës e ka konstatuar ekipi mjekësor në vendin e ngjarjes”, ka konfirmuar për “Zërin” zëdhënësi i Policisë për rajonin e Prishtinës, Enis Pllana.

Disa media kanë raportuar se viktima është një 42-vjeçar, duke u thirrur në burime se i njëjti ka vdekur nga mbidoza, për çka Policia nuk ka jep ndonjë informacion. /Zëri