Një i lënduar nga aksidenti në rrugën Gjilan - Kamenicë
Kronika
December 05, 2025 - 10:09
Një person ka pësuar lëndime si pasojë e një aksidenti të ndodhur mëngjesin e sotëm në rrugën Gjilan - Kamenicë.
Rastin e ka konfirmuar zëdhënësi i Policisë për rajonin e Gjilanit, Valon Osmani.
Ai tha se i lënduari ka pranuar trajtim mjekësor në Emergjencën e Gjilanit, teksa hetuesit policorë të Njësisë së Trafikut janë duke i hetuar rrethanat e vetaksidentit.
“Më datën 05.12.2025, rreth orës 06:55, kemi pranuar informacion për një vetaksident trafiku në aksin rrugor Gjilan - Kamenicë. Si pasojë një person ka pësuar lëndime të lehta trupore, për të cilat ka pranuar trajtim mjekësor në Qendrën Emergjente në Gjilan. Hetues policorë të Njësisë së Trafikut janë duke i hetuar rrethanat e këtij vetaksidenti”, thuhet në përgjigjen e Osmanit.
