Gjendet i vdekur një person në banesën e tij në Prizren, në vendin e ngjarjes iu gjet një pistoletë

Një person është gjetur pa shenja jete mesditën e së shtunës në qytetin e Prizrenit.

Sipas raportit ditor të Policisë së Kosovës, viktima është gjetur i vdekur në banesën e tij, shkruan Zeri.info.

Sipas Policisë, në vendin e ngjarjes është gjetur dhe është konfiskuar një pistoletë.

Siç bëhet e ditur, trupi i viktimës është dërguar për obduksion në IML, përderisa janë duke vazhduar hetimet rreth kësaj vdekjeje.

Raporti i plotë i Policisë, pa ndërhyrje:

HETIM I VDEKJES

Prizren / 29.11.2025-13:30. Viktima m/k, është gjetur pa shenja jete në banesën e tij. Njësitet policore dhe ekipi mjekësor kanë dalë në vendin e ngjarjes ku edhe është konstatuar vdekja e viktimës. Në vendin e ngjarjes është gjetur e konfiskuar një pistoletë, ndërsa trupi i pajetë i viktimës, me urdhër të prokurorit, është dërguar në IML për obduksion. Rasti duke u hetuar. /Zëri