Tentoi ta vras me thikë të fejuarën, arrestohet i dyshuari në Fushë-Kosovë

Një vrasje e rëndë në tentativë është raportuar mëngjesin e së shtunës në Fushë-Kosovë, shkruan Zeri.info.

Sipas raportit ditor të Policisë së Kosovës, një person dyshohet se e ka therur me thikë të fejuarën e tij, e cila edhe ka pësuar lëndime të rënda.

Sipas raportit ditor, viktima fillimisht është dërguar në QKMF në Fushë-Kosovë, e më pas në QKUK ku edhe i është nënshtruar operimit për shkak të gjendjes së saj kritike.

“Lidhur me rastin është arrestuar i dyshuari m/k-i fejuari i saj me të cilin ishte duke bashkëjetuar, nën dyshimin se i njëjti është i përfshirë në rast. Njësitet policore në vendin e ngjarjes kanë gjetur dhe konfiskuar një mjet të mprehtë-thikë, e cila dyshohet se është përdorur në rast. Me vendim të prokurorit i dyshuari pas intervistimit është dërguar në mbajtje”, thuhet në raportin e Policisë, shkruan tutje “Zëri”.

Raporti i plotë i Policisë, pa ndërhyrje:

VRASJE E RËNDË NË TENTATIVË

Fushë Kosovë / 29.11.2025-07:45. Njësitet policore pas pranimit të informatës lidhur me rastin, kanë dalë në vendin e ngjarjes dhe kanë takuar viktimën f/k, e cila dyshohet se kishte pësuar lëndime me mjete të mprehta. Viktima pas tretmanit fillestar mjekësor në QKMF, është dërguar në QKUK dhe i është nënshtruar operimit për shkak të gjendjes kritike të saj. Lidhur me rastin është arrestuar i dyshuari m/k-i fejuari i saj me të cilin ishte duke bashkëjetuar, nën dyshimin se i njëjti është i përfshirë në rast. Njësitet policore në vendin e ngjarjes kanë gjetur dhe konfiskuar një mjet të mprehtë-thikë, e cila dyshohet se është përdorur në rast. Me vendim të prokurorit i dyshuari pas intervistimit është dërguar në mbajtje. /Zëri