Një polic goditet nga vetura në një pikë kontrolli në Banjë të Istogut, dërgohet për trajtim në QKUK
Një zyrtar policor është goditur nga një veturë teksa ishte në pikë kontroll në fshatin Banjë të Istogut.
Rastin e ka konfirmuar zëdhënësi i Policisë për Pejë, Driton Rugova.
Rugova, mes të tjerash, u shpreh se viktima ka pësuar lëndime trupore, me ç’rast është dërguar në Spitalin Rajonal në Pejë e pas gjendjes së rënduar shëndetësore është dërguar në Qendrën Klinike Universitare të Kosovës.
“Sot rreth orës 08:35, në fshatin Banjë – Istog ka ndodhur një aksident trafiku dhe si pasojë nga një veturë është goditur zyrtari policor, i cili ishte në pikë kontrolli, zyrtari policor ka pësuar lëndime trupore, i njëjti është dërguar në Spitalin Rajonal në Pejë për trajtim mjekësor, ndërsa rasti është duke u hetuar nga Njësiti i trafikut Rajonal”, u shpreh Rugova.
