Arrestohet një person për të shtëna me armë zjarri në Prishtinë

Një person është arrestuar për të shtëna me armë zjarri në rrugën “Rexhep Luci” në Prishtinë, sonte rreth orës 21:30.

Zëdhënësi i Policisë së Kosovës për rajonin e Prishtinës, Enis Pllana, ka pohuar se nuk ka persona të lënduar nga këto të shtëna.

“Njësitet policore kanë dalë menjëherë në vendin e ngjarjes dhe kanë arrestuar një person të dyshuar”, tha Pllana.

Të shtënat me armë zjarri kanë ndodhur pasi Shqipëria e ka shënuar golin e fitores ndaj ndeshjes me Serbinë, në minutën e 46-të, të shtesës.