Përfundon bastisja në shtëpinë e të dyshuarit për spiunazh, Fatmir Sheholli

Pas disa orësh bastisje në banesën e të dyshuarit për spiunazh, Fatmir Sheholli, operacioni i Policisë së Kosovës në asistencë të Agjencisë së Kosovës për Inteligjencë (AKI) ka përfunduar.

Automjetet policore qëndruan për disa orë në objektin banesor ku u zhvillua aksioni, nën mbikëqyrjen e Prokurorisë Speciale të Republikës së Kosovës dhe me asistencë të Agjencisë së Kosovës për Inteligjencë (AKI).

Bastisja u realizua në kuadër të hetimeve që po zhvillohen ndaj Shehollit, i cili ngarkohet me veprën penale të spiunazhit.