Një grua sulmon dhe kërcënon punëtorin në vendin e punës, ndalohet nga policia

Një incident është raportuar në rrugën “Ismet Krasniqi” në Prishtinë, ku një mashkull kosovar ka njoftuar policinë se është sulmuar fizikisht nga një femër derisa ishte duke punuar në ndërtimin e një shtëpie.

Sipas deklaratës së viktimës, e dyshuara jo vetëm që e ka sulmuar, por edhe ka shkaktuar dëme materiale, duke i dëmtuar disa vegla të punës.

Gjatë intervistimit nga autoritetet, e dyshuara ka vazhduar me sjellje kërcënuese ndaj viktimës.

Me urdhër të prokurorit kompetent, e dyshuara është ndaluar dhe është dërguar në mbajtje për procedura të mëtejme hetimore.

Policia është duke hetuar rastin.