Aksident mes 8 veturave në Zhur të Prizrenit, tre persona të lënduar

Një aksident zinxhiror mes tetë veturave ka ndodhur në rrugën Zhur-Prizren.

Në këtë aksident tre persona kanë pësuar lëndime.

Këtë e konfirmoi për “Zëri”, zëdhënësi i Policisë së Kosovës, Daut Hoxha.

Tutje Hoxha, ka bërë të ditur se rruga është e bllokuar përkohësisht dhe ka apeluar që të përdoren rrugët alternative.

“Apelojmë tek të gjithë shoferët, qe gjatë vozitjes të respektojnë rregullat e trafikut, të zvogëlojnë shpejtësinë, dhe të tregojnë kujdes të shtuar për sigurinë e tyre dhe të tjerëve.

Pas raportimeve shtese nga kompetentet do te njoftoheni per informacione tjera”, tha Hoxha.