Arrestohen tre persona pas të shtënave me armë zjarri në Ferizaj

Tre persona janë arrestuar pas të shtënave me armë zjarri në rrugën  “Ismet Ramadani” të enjten  në Ferizaj.

Lajmin për teve1.info e ka bërë të ditur zëdhënësi i Policisë, Kanun Veseli.

Ai ka thënë se në këtë rast që ka ndodhur rreth orës 20:11 minuta , nuk raportohet për të lënduar.

“Gjatë kontrollit janë konfiskuar dy armë zjarri të dyshuara se janë përdorur në këtë rast, ndërsa në vendngjarje janë gjetur edhe disa gëzhoja. Nga hetimet e para, nuk raportohet për persona të lënduar. Hetimet po vazhdojnë, dhe për informata shtesë do të njoftoheni me raport vijues”, ka bërë të ditur Veseli.