Sekuestrohet mbi 1 kilogram kokainë në Tiranë

Policia në Tiranë ka finalizuar operacionin policor të koduar “Twins”, ku u sekuestruan 1 kilogram e 65 gram kokainë.

Sipas njoftimit të policisë, gjatë aksionit u arrestuan katër të dyshuar A. L., 25 vjeç, G. P., 30 vjeç, P. K., 18 vjeç dhe J. Z., 18 vjeç.

Policia po ashtu sekuestroi dy automjete, katër aparate celular, dhe një shumë parash.

Të dyshuarit, u kapën në flagrancë në një lokal me një pako me kokainë.