Plagoset me armë zjarri 29-vjeçari në Prizren
Foto: Laura Hasani

Plagoset me armë zjarri 29-vjeçari në Prizren

Kronika August 30, 2025 - 22:37

Një plagosje me armë zjarri ka ndodhur të shtunën mbrëma në rrugën “Ismet Jashari” në Prizren, ku është plagosur një 29-vjeçar.

Policia e Kosovës ka bërë të ditur se rreth orës 18:00 ka pranuar informacionin për të shtëna, ndërsa pak minuta më vonë Spitali Rajonal i Prizrenit ka raportuar se një person kishte kërkuar ndihmë mjekësore.

Viktima ka marrë plagë në këmbën e majtë dhe ndodhet jashtë rrezikut për jetë.

“Rreth orës 18:12, nga Emergjenca e Spitalit Rajonal të Prizrenit është njoftuar se një person kishte kërkuar ndihmë mjekësore si pasojë e plagosjes nga arma e zjarrit. Viktima, Z.B., mashkull 29 vjeç, ka pësuar plagë në këmbën e majtë dhe sipas mjekut gjendja e tij është stabile”, ka thënë zëdhënësi i Policisë së Kosovës për Rajonin e Prizrenit, Shaqir Bytyqi.

Njësitë policore kanë dalë në vendngjarje dhe po zhvillojnë hetimet, ndërsa rasti po trajtohet në bashkëpunim me Prokurorinë e Shtetit.