Sulmoi fizikisht zyrtarët policorë, arrestohet prishtinasi

Policia në Prishtinë ka arrestuar një person, pasi kishte sulmuar katër zyrtarët policorë në kryerje të detyrës, të cilët më pas ishin dërguar për trajtim mjekësor.

Sipas njoftimit të PK-së, thuhet se ngjarja ka ndodhur gjatë ditës së djeshme, rreth orës 00:55, në Prishtinë, raporton Zeri.info.

“Prishtinë / 26.08.2025 – 00:55. Është arrestuar i dyshuari mashkull kosovar, për shkak se ka kryer veprën e lartcekur ndaj personave zyrtarë. Katër zyrtarë policorë kanë pranuar trajtim mjekësor, ndërsa i dyshuari pas inicimit të rastit, me vendim të prokurorit, është dërguar në mbajtje”, thuhet në njoftimin e Policisë. /Zëri