Digjet një veturë në Zveçan

Një veturë është përfshirë nga zjarri sot pak pas mesnate në Zveçan.

Policia dhe zjarrfikësit kanë dalë menjëherë në vendin e ngjarjes, ndërsa dyshimet janë se vetura është përfshirë nga flakët si pasojë e instalimit të rrymës, transmeton Zeri.info.

Policia e Kosovës ka dhënë detaje për rastin përmes një njoftimi.

Njoftimi i plotë nga Policia:

Policia e Kosovës, Drejtoria Rajonale Mitrovicë Veri, informon opinionin publik se më 22.08.2028 rreth orës 01:00 në Zveçan është raportuar për djegien e një veture.

Menjëherë pas marrjes së informacionit, njësitet policore, si dhe zjarrfikësit kanë dalë në vendin e ngjarjes dhe kanë ndërmarrë veprimet e nevojshme. Po ashtu në vendin e ngjarjes kanë dalë edhe ekspertët e zjarrit. Sipas dëshmive dhe të dhënave fillestare, dyshohet se vetura është përfshirë nga zjarri si pasojë e instalimit të rrymës.

Hetimet rreth rastit janë duke vazhduar me qëllim të ndriçimit të plotë të shkaqeve.

Policia e Kosovës mbetet e përkushtuar për informimin e drejtë dhe me kohë të qytetarëve dhe mediave.