Një muaj paraburgim të dyshuarit për vrasjen e Enver Bajraktarit në Lipjan

Në Gjykatën Themelore të Prishtinës është mbajtur seanca ndaj të dyshuarit për vrasjen e Enver Bajraktarit.

Lajmin e ka konfirmuar zëdhënësja e Gjykatës Themelore në Prishtinë, Mirlinda Gashi.

“Është caktuar masa e paraburgimit një muaj ndaj të pandehurit”, tha Gashi.

Ditë më parë, i dyshuari me inicialet T.K., është arrestuar nga Policia e Kosovës nën dyshimin për vrasjen dhe groposjen e Enver Bajraktarit në fshatin Baicë të Lipjanit.

T.K, gjatë ditës së djeshme e ka pranuar fajësinë.

“Pas ndalimit në polici dhe dhënies së deklaratës, i dyshuari ka pranuar veprimet e tij dhe kryerjen e veprës penale”, thuhej në njoftimin e Prokurorisë Themelore të Prishtinës.

Viktima Enver Bajraktari ishte pikërisht personi për të cilin familjarët kishin raportuar më herët si të zhdukur.