Arrestohet personi që dyshohet se shtiu 14 herë më armë ndaj një personi mbrëmë në Prishtinë

Është arrestuar i dyshuari për vrasje në tentativë, e cila ka ndodhur të enjten mbrëma në “Dragodan” të Prishtinës, ku ka mbetur i plagosur një person.

Policia ka njoftuar se pas arrestimit në vendin e ngjarjes ka sekuestruar 14 gëzhoja dhe 11 fragmente të predhave, transmeton Zeri.info.

“Lidhur me rastin viktima është dërguar në QKUK për trajtim mjekësor, ndërsa nga i dyshuari është sekuestruar një armë zjarri me një karikator dhe tre fishekë. Pas intervistimit, me vendim të prokurorit i dyshuari është dërguar në mbajtje”, thuhet në raportin e Policisë. /Zëri