
Arrestohen tre persona në Pejë, vodhën rreth 31 mijë euro nga kompania ku punonin
Kronika
July 02, 2025 - 09:40
Policia e Kosovës ka njoftuar se ka arrestuar tre persona, pas hetimeve të zhvilluara.
Ata dyshohet se nga maji i vitit të kaluar deri në janar të këtij viti kanë dëmtuar kompaninë në të cilën ishin punësuar me rreth 31 mijë euro, transmeton Zeri.info.
“Rr. ‘Bill Klinton’, Pejë / maj 2024 - janar 2025. Më 01.07.2025 pas hetimeve të zhvilluara janë arrestuar tre të dyshuar M/K për shkak se të njëjtët dyshohet se me qëllim të përfitimit të kundërligjshëm për vete kanë dëmtuar kompaninë në të cilën janë të punësuar në vlerë rreth 31000 €. Me vendim të prokurorit, të dyshuarit pas intervistimit janë dërguar në mbajtje”, thuhet në raportin e plotë të Policisë. /Zëri