Një grua humb jetën pas rënies nga një ndërtesë në Prishtinë

Mbrëmjen e sotme një grua është gjetur pa shenja jete në Prishtinë.

Zëdhënësja e Policisë së Kosovës për rajonin e Prishtinës, Flora Ahmeti, ka thënë për Zeri.info, se rasti ka ndodhur në rrugën “Jakov Xoxa”, ku një grua ka rënë nga një ndërtesë.

“Sot rreth 19:00 kemi pranuar informatën se në rrugën "Jakov Xoxa" në Prishtinë, një person ka rënë nga një ndërtesë. Viktima në këtë rast është femër, vdekjen e së cilës e ka konstatuar ekipi mjekësor në vendngjarje. Aktualisht hetuesit policorë në koordinim me prokurorinë përkatëse, janë duke punuar për të sqaruar të gjitha rrethanat që lidhen me rastin”, ka treguar Ahmeti. /Zëri