Zyrtari policor në Pejë jashtë detyrës sulmohet nga katër persona, derisa ishte tek automekaniku

Një zyrtar policor jashtë detyrës zyrtare ka raportuar se derisa ishte nën shoqërimin e një personi duke rregulluar automjetin është sulmuar fizikisht nga pesë të dyshuar meshkuj, ku njëri prej të dyshuarve kishte shtënë me armë zjarri në vendin e ngjarjes.

Sipas Policisë, viktima nuk ka pranuar trajtim mjekësor, ndërsa njëri nga të dyshuarit ka pranuar trajtim mjekësor, pasi ishte sulmuar me mjete të forta nga katër të dyshuarit e tjerë.

“I njëjti është paraqitur në stacionin policor dhe gjatë kontrollit është gjetur dhe sekuestruar një armë pistoletë. Pas intervistimit, me vendim të prokurorit, i dyshuari është liruar në procedurë të rregullt. Ndërsa katër të dyshuarit e tjerë gjenden në arrati”, thuhet në raportin e Policisë. /Zëri