Tentim vrasje në Prishtinë, i dyshuari në arrati

Një tentim vrasje ka ndodhur të premten në Prishtinë.

Policia njofton se një person ka shtënë me armë zjarri në drejtim të viktimës, dhe më pas ka ikur.

“Rr. Xhavit Ahmeti, Prishtinë 24.01.2025-22:54. Viktima mashkull kosovar, ka raportuar se një i dyshuar i panjohur me armë ka goditur xhamin e veturës së tij, me ç’rast ka pësuar lëndime dhe gjatë largimit i dyshuari edhe ka shtënë me armë zjarri. Në vendin e ngjarjes kanë dalë njësit policore ku kanë gjetur dhe konfiskuar një fishek dhe një gëzhoja”, thuhet në njoftim,

Viktima ka pranuar tretman mjekësor, ndërsa lidhur me rastin është njoftuar prokurori.

Rasti është duke u hetuar.