“Akili” shqiptar arratiset nga burgu në Itali

Një shqiptar është arratisur nga burgu i Barcaglione në Itali mëngjesin e së enjtes.

Bëhet fjalë për 44-vjeçarin Xhevdet Plaku i njohur me pseudonimin “Akili”. Mbi të rëndonin akuzat për dy vrasje si dhe si kreu i një grupi kriminal ndërkombëtar droge.

Sipas mediave italiane, dje në mëngjes rreth orës 8:30, shqiptari ka dalë për të zbrazur koshat e plehrave në kazermë.

Një rutinë e përditshme, që dukej krejt e zakonshme, por që u shndërrua në një arratisje, deri tani, perfekte.