Policia në veri gjen armë, pajisje për prodhimin e kriptovalutave dhe pajisje tjera të dyshimta

Policia e Kosovës sot pas marrjes së disa informacioneve kanë kryer një kontroll në rrugën ,, Kollashini “ në qytetin e Mitrovicës Veriore.

Kontrolli është realizuar në një shtëpi dhe në objektet përcjellëse të saj, ku në to janë gjetur armë, pajisje për prodhimin e kriptovalutave dhe pajisje tjera të dyshimta, transmeton Zeri.info.

Dëshmitë e gjetur dhe të konfiskuar janë:

• Një armë e gjatë(pushkë ajrore),

• Pesë (5) Kartela Grafike për prodhimin e Kriptovalutave me pajisje përcjellëse,

• Dyzet e dy (42) minera për prodhim të Kriptovalutave me pajisje përcjellëse,

• Një (1) shtëpizë e Kompjuterit

• Një (1) karikator i revoles

• Katërmbëdhjetë (14) fishek të revoles kalibri 9 mm

• Një (1) Radiolidhje

• Një (1) kamerë vëzhgimi,

• Një (1) Divijar,

• Një (1) vulë metalike dhe

• Një (1) Letërnjoftim

Aparatet për prodhimin e kriptovalutave do t’i dorëzohen Doganës së Kosovës, ka bërë të ditur Policia.

“Në vendin e ngjarjes nuk është hasur ndonjë person i dyshuar, mirëpo është identifikuar një person dhe i cili është me interes për Policinë që të intervistohet.Në lidhje me rastin është njoftuar Prokurori i Shtetit i cili ka urdhëruar inicimin e rastit ‘’Mbajtja në pronësi, kontroll ose posedim i pa autorizuar të armëve’”, thuhet në njoftimin e Policisë.

Policia ka falënderuar qytetarët për bashkëpunimin, duke thënë se vazhdon të mbetet e përkushtuar për ofrim të shërbimeve ndaj të gjithë komunitetit pa dallim. /Zëri