Policia me aksion në Administratën Tatimore në Gjakovë
Kronika
January 20, 2025 - 10:10
Policia e Kosovës në bashkëpunim me Drejtorinë për Hetime të Krimeve Ekonomike dhe Korrupsion (DHKEK) ka realizuar një operacion policor në degën e Administratës Tatimore në Gjakovë.
Lajmin e ka konfirmuar zëdhënësi i Policisë së Kosovës, Baki Kelani.
Sipas tij, pas përfundimit dhe kompletimit të operacionit policor do të bëhet publike informacione shtesë.
“Mund të konfirmojmë se, Policia e Kosovës me njësitë e DHKEK-së, në bashkëpunim dhe koordinim me institucionet kompetente, në DRP Gjakovë ka realizuar një operacion policor. Pas përfundimit dhe kompletimit të operacionit policor, do të bëhen publike informacione shtesë”, ka thënë Kelani.
