Prangoset 35-vjeçari që e kishte vjedhur veturën në Kaçanik, e shiti jashtë vendit

35-vjeçari me inicialet P.L. është arrestuar të premten pasi dyshohet për vjedhjen e një veture në rrugën magjistrale Kaçanik-Ferizaj, në afërsi të Kaçanikut, më 23 tetor të vitit 2024.

Sipas njoftimit të Policisë thuhet se nga hetimet rezulton se vetura ishte kaluar jashtë kufirit të Kosovës dhe ishte shitur.

“Pas intervistimit nga hetuesit policorë dhe me vendim të Prokurorit të Shtetit, i dyshuari është ndaluar për 48 orë”.

“Në lidhje me rastin, në cilësinë e dëshmitarëve, janë intervistuar edhe dy persona të tjerë, shtetas të huaj”, thuhet në njoftimin e Policisë.