Javën e kaluar në rajonin e Ferizajt u raportuan 16 raste të vjedhjeve dhe 6 raste të dhunës në familje

Policia në Ferizaj ka bërë të ditur se javën kaluar kanë ndodhur 16 raste të vjedhjeve dhe 6 raste të dhunës në familje.

“Policia rajonale e Ferizajt ka ndërmarrë një sërë aktivitetesh në parandalim të incidenteve. Gjatë javës që shkoi, nga data 06-12/01/2025 janë raportuar; Veprat penale kundër pasurisë, 16 raste të vjedhjeve, të cilat kanë ndodhur: 11 raste në Ferizaj, 3 në Kaçanik, 1 në Shtërpcë dhe 1 rast në Han të Elezit. Në rajonin e Ferizajt janë raportuar 6 raste të dhunës në familje, të cilat kanë ndodhur: 3 raste në Ferizaj, 2 raste në Shtime dhe 1 rast në Shtërpcë”.

“Në rajonin e Ferizajt Policia ka arrestuar 42 persona të kërkuar me urdhëresa të gjykatave kompetente për vepra të ndryshme penale dhe kundërvajtëse. Ftojmë qytetarët që të bashkëpunojnë me Policinë. Për të gjitha rastet kriminale, të njoftojnë menjëherë Policinë, stacionin më të afërt, apo përmes aplikacionit digjital ‘Lajmëro Policinë’ dhe në numrat kujdestarë: 192,0290/326-250 & 0290/322-406. Të dhënat tuaja do të ruhen në konfidencialitet të plotë”.