Arrestohen dy persona në Lipjan për posedim të substancave narkotike
Kronika
January 12, 2025 - 08:50
Dy persona janë arrestuar gjatë ditës së djeshme në Lipjan, për posedim dhe shpërndarje të paautorizuar të substancave narkotike.
Sipas njoftimit të PK-së thuhet se arrestimi ka ndodhur pas kontrollit të njërit nga të dyshuarit, ku janë gjetur dhe konfiskuar dhjetë qese të vogla me marihuanë, të përgatitura për shitje.
Në vijim të operacionit, policia ka bastisur shtëpinë e të dyshuarit të dytë, i cili dyshohet se e kishte angazhuar të dyshuarin e parë për shpërndarjen e narkotikëve.
Pas përfundimit të procedurave hetimore dhe intervistimit, me vendim të prokurorit kujdestar, të dyshuarit janë dërguar në paraburgim për 48 orë.
Hetimet lidhur me rastin janë duke vazhduar. /Zëri
