Policia bën apel për kujdes në trafik: Vozitni me kujdes në rrugët e mbuluara me borë

Policia e Kosovës ka bërë apel tek të gjithë qytetarët e vendit që të kenë kujdes në trafik, gjatë ngasjes së automjetevë në rrugët e mbuluara me borë.

Sipas njoftimit të PK-së thuhet se ky apel vjen duke u bazuar në kushtet atmosferike dhe reshjet e borës, raporton Zeri.info.

“Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me borë dhe me ngrica”, thuhet në njoftimin e Policisë. /Zëri