Plagoset një person në fshatin Haxhaj të Rugovës, arrestohet një person
Një person është plagosur nga arma e zjarrit mesnatën e së hënës në fshatin Haxhaj në Rugovë.
Sipas një njoftimi për media bëhet e ditur se me këtë rast drejtoria rajonale e Policisë në Pejë, u njoftua rreth orës 02:20, se në Spitalin Rajonal në Pejë, është një person i plagosur nga arma e zjarrit.
Tutje në njoftim thuhet se njësitet relevante menjëherë kanë shkuar në emergjencën e Spitalit, aty kanë takuar dëshmitaret e rastit të cilët deklarojnë se derisa ishin në shtëpine e viktimës ne fshatin Haxhaj-Rugovë, aksidentalisht ka shkrepur arma nga i dyshuari dhe është plagosur viktima.
“Viktima e rastit pas intervenimit në Spitalin Rajonal në Pejë, është dërguar në QKUK për trajtim mjekësor”, thuhet në njoftim.
Po ashtu sipas njoftimit bëhet e ditur se nga hetuesit e Stacionit Policor në Pejë, është arrestuar i dyshuari i këtij rasti, ndërsa në vendin e ngjarjës janë gjetur dhe sekuestruar: Një armë pistoletë M57, një karikator i së njëjtës armë, një fishek kal: 7.62x25mm, tri gëzhoja kal:7.62x25mm, një armë automatike AK47, një karikator i së njëjtës armë, tri gëzhoja kal: 7.62×39 mm, gjashtë gëzhoja kal:9mm.
Pas intervistimit nga hetuesit i dyshuari, me vendim të Prokurorit të shtetit dërgohet në mbajtje për 48- orë.
