Bastiset shtëpia e një personi në Pejë – ja çka gjeti policia

Një patrullë policore e Pejës derisa ishte duke ecur në këmbë në rrugën “Mbretëresha Teutë” ka ndaluar një person për kontroll.

Tek i njëjti është gjetur dhe sekuestruar:

Një armë pistoletë Zoraki M

Një karikator i së njejtës armë dhe

Tetë fishekë kal:7.65mm

I dyshuari është arrestuar dhe gjatë intervistimit nga hetuesit e Stacionit Policor në Pejë, i njëjti ka deklaruar se posedon edhe një armë në shtëpi.

Sipas njoftimit, njësitet kompetente të Stacionit Policor në Pejë, në koordinim me Prokurorin e shtetit, kanë kryer kontroll/bastisje në shtëpinë e personit të dyshuar dhe aty kanë gjetur dhe sekuestruar: Një armë automatike AK47 dhe një karikator i zbrazët

I dyshuari pas intervistimit nga hetuesit, me vendim të Prokurorit të shtetit është liruar në procedurë të rregullt.