Brenda 24 orëve regjistrohen dy aksidente me fatalitet në Kosovë, 26 të tjera me të lënduar

Dy aksidente trafiku me fatalitet janë shënuar në raportin e PK-së brenda 24 orëve.

Sipas njoftimit të Policisë thuhet se aksidentin e parë të ndodhur në Prelez të Jerlive një shofer ka shkaktuar vetaksident, i cili më pas ka vdekurm raporton Zeri.info.

“AKSIDENT TRAFIKU ME FATALITET- Prelez i Jerlive. 04.01.2025 – 07:00. Vozitësi mashkull kosovar me veturë nga pa kujdesia ka shkaktuar vetë aksident trafiku, ku si pasojë, ka humbur jetën vetë vozitësi. Me vendim të prokurorit trupi i pa jetë i viktimës i është liruar familjarëve për ceremoni mortore.”

Ndërsa në Grackë të Lipjanit një aksident ka ndodhur mes dy veturave dhe një kamioni, ku ka vdekur një person dhe dy të tjerë janë lënduar.

“AKSIDENT TRAFIKU ME FATALITET- Grackë, Lipjan / 04.01.2025 – 12:42. Është shkaktuar aksident trafiku në mes dy veturave dhe një kamioni dhe si pasojë, ka vdekur një vozitës mashkull kosovar, ndërsa dy vozitësit tjerë meshkuj kosovar kanë pësuar lëndime trupore. Rasti është duke u hetuar.”

Po ashtu sipas njoftimit të Policisë, bëhet e ditur 26 aksidente tjera janë me të lënduar dhe 64 me dëme materiale. /Zëri