Vetura ra në lumin Vardar - tre trupa u nxorën, një shpëtoi dhe një në kërkim

Një aksident i rëndë ka ndodhur mbrëmë në fshatin Rashçe të Maqedonisë së Veriut.

Autoritetet atje kanë bërë të ditur se është raportuar se në rrugën lokale në fshatin Rashçe, një veturë e udhëtarëve ka dalë nga rruga dhe ka rënë në lumin Vardar.

Deri më tani vetura bashkë me tre trupat është nxjerrë, një fëmijë ka shpëtuar dhe kërkimet për personin e katër janë duke vazhduar, transmeton Zeri.info.

Sipas informacioneve jozyrtare, në veturën që ra në ujërat e lumit Vardar kishte pesë persona.

Autoritetet po vazhdojnë operacionin e kërkim-shpëtimit. /Zëri