Policia në Ferizaj: Javën e kaluar 62 aksidente trafiku, 27 persona të lënduar

Policia në Ferizaj, përmes njoftimit, ka bërë të ditur se javën e kaluar ka shqiptuar 791 gjoba kundërvajtëse dhe ka hequr katër patenta shoferi.

Sipas njoftimit të Policisë, gjatë kësaj periudhe janë raportuar 62 aksidente, ku janë lënduar 27 persona.

Me këtë rast Policia ka ftuar të gjithë qytetarët të bashkëpunojnë me ta, raporton Zeri.info.

Njoftimi i plotë:

Policia Rajonale e Ferizajt ka ndërmarrë një sërë aktivitetesh në parandalim të aksidenteve në komunikacion.

Në kuadër të këtyre aktiviteteve Policia rajonale e Ferizajt gjatë javës që shkoi, nga data 23-29/12/2024, ka shqiptuar 791 gjoba kundërvajtëse dhe ka hequr 4 patentë shoferë për drejtuesit që kanë shkaktuar kundërvajtje më të rënda në komunikacionin rrugor.

Ndërsa janë raportuar 62 aksidente, prej tyre:

– Aksidente me lëndime, 19

- Persona të lënduar, 27

– Aksidente me dëme materiale, 43.

Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë te shoferët që të bëjnë kujdes në komunikacionin rrugor.

Ndërsa, ftojmë qytetarët që të bashkëpunojnë me Policinë.

Për të gjitha kundërvajtjet që shkaktohen në komunikacion, të njoftojnë menjëherë Policinë, stacionin më të afërt ose përmes aplikacionit digjital “Lajmëro Policinë” dhe në numrat kujdestarë: 192,0290/326-250 & 0290/322-406. Të dhënat tuaja do të ruhen në konfidencialitet të plotë. /Zëri