Prangosen katër persona për tentim vrasjeje në Prizren

Policia ka arrestuar katër të persona, pasi dyshohet se pas një mosmarrëveshjeje kanë sulmuar fizikisht tre persona të tjerë, duke u shkaktuar lëndime trupore.

Sipas njoftimit të Policisë, ngjarja ka ndodhur të dielën, rreth orës 01:40, në rrugën “Remzi Ademaj” në Prizren, raporton Zeri.info.

“Rr. ‘Remzi Ademaj’, Prizren / 29.12.2024-01:40. Janë arrestuar katër të dyshuar meshkuj kosovar, pasi dyshohet se pas një mosmarrëveshjeje i kanë sulmuar fizikisht tri viktima, meshkuj kosovarë, të cilët kanë pësuar lëndime trupore dhe kanë pranuar trajtim mjekësor. Si provë materiale është gjetur dhe konfiskuar një thikë, që dyshohet të jetë përdorur në rast. Katër të dyshuarit janë intervistuar dhe me vendim të prokurorit janë dërguar në mbajtje. Rasti vazhdon të hetohet”, thuhet në njoftimin e Policisë.