Arrestohet një person në Podujevë, shtiu me armë zjarri në një aheng

Një burrë është arrestuar në Podujevë, pasi që i njëjti dyshohet se shtiu me armë zjarri gjatë një ahengu.

Sipas njoftimit të Policisë thuhet se ngjarja ka ndodhur dy ditë më parë, rreth orës 23:15 në fshatin Metehi të Podujevës, raporton Zeri.info.

“Është arrestuar i dyshuari m/k nën dyshimin se në një aheng ka shtënë me armë zjarri. Gjatë kontrollit në vendin e ngjarjes janë gjetur dhe konfiskuar dy pistoleta (njëra me gaz) dhe 9 fishek. Me vendim të prokurorit, i dyshuari është liruar në procedurë të rregullt”, thuhet në raportin e policisë. /Zëri