Goditet me mjete të forta një i mitur në Fushë Kosovë

Një i mitur ka pësuar lëndime trupore si pasojë e goditjes me mjete të forta në rrugën “Besa Besë” në Fushë Kosovë.

Sipas zëdhënëses së Policisë së Kosovës për Rajonin e Prishtinës, Flora Ahmeti, ngjarja ka ndodhur rreth orës 18:00.

“Bazuar në të dhënat fillestare, dyshohet se në këtë rast nga mjete të forta është lënduar një person (i mitur). I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, ka deklaruar Ahmeti për Telegrafin.

Aktualisht, një person i dyshuar për përfshirje në incident po intervistohet nga policia.

Hetimet vazhdojnë për të zbardhur detajet dhe motivet që çuan në këtë akt të dhunshëm./Telegrafi/