Aksident mes dy veturave në Emshir, dy të lënduar
Kronika
December 14, 2024 - 21:55
Gjatë mbrëmjes së sotme ka ndodhur një aksident i rëndë mes dy veturave në lagjen Emshir në Prishtinë, afër Stacionit të Autobusëve.
Në vendin e ngjarjes bëhet e ditur se janë parë një numër i madh i njësive të policisë.
Zëdhënsja e Policisë për rajonin e Prishtinës Flora Ahmeti e ka konfirmuar lajmin pqr Zëri.info.
“Sot rreth orës 20:15 në lagjen Emshir në Prishtinë, ka ndodhur një aksident trafiku, ku kanë qenë të përfshira dy automjete. Si pasojë e aksidentit lëndime trupore kanë pësuar dy persona. Me rastin po merren heuesit nga njësiti i trafikut”, ka thënë Ahmeti. /Zëri
